尋晚睇到呢篇文章講interview嘅準備，十分認同筆者所講嘅differentiation，大家可以睇下。我地HR日日見勁多人，有時一個position 會見十幾廿人，唔係睇返份form張相都唔記得邊位打邊位。但如果可以係interview特出自己，我唔駛睇份form都記得你，就已經係成功嘅一大步。
不過...當然唔係好似我之前寫過嗰啲見工奇行種咁特出啦...
------------------------------------
《見工奇行種系列之若果你未覺荒謬》
https://www.facebook.com/hrpotato/posts/551509451665269:0
Interview三大準備（一）
上回提到，interview最重要一點係，in 完之後個interviewer都仲記得你，咁樣成功嘅機會應該好大。但說易做難，先了解一下interview嘅基本structure。
先唔談論1st in 定係 2nd in, 或者乜野行業等等。如果你有條理啲去睇，其實大部份嘅interview都會分三大parts，第一part係專睇你對工作相關嘅能力／經驗／學歷，第二part就係你嘅性格／判斷／認知／處事／創意等等，第三part就係睇你「順唔順眼」／「同自己夾唔夾得嚟」。面試嘅過程中，interviewer係唔會同你講佢幾時想睇你啲乜，亦冇先後次序之分，所以大家interview前就必定要為以上三parts做好準備，諗定計仔～
第一part「工作能力」
對初入行／剛畢業嘅人嚟講，呢一part係最難，因為大部份畢業生嘅背景都差唔多，可以講嘅野唔多，發揮空間亦有限，成日唔知講乜好。唔止初哥新手，老手有時都唔懂得好好拿捏呢一部份，面試前只會準備「面試常規嘅內容」，而忽略咗諗下「去製造非常規嘅內容」。
記得有位知名DJ，好多年前分享過佢見工嘅經歷。因為當年DJ呢行係好多人嘅夢想，有得interview已經係好難得，如果唔能夠係面試當日表現自己，就等於冇去過一樣。呢位DJ面試前一日除咗預備哂所有「面試常規嘅內容」之外，佢仲特意選擇咗一套搖滾味勁濃嘅衣著同飾物去面試。佢成功地吸引到interviewer嘅眼球，interviewer好自然就問佢「你著呢件衫，係咪係好鍾意XYZ樂隊架？」，而呢位DJ就順理成章借位講出佢幾熱愛音樂、對流行歌幾熟識等等，轉個角度去話俾人知，佢嘅性格同興趣好適合呢個職位。Interview完之後，可能人哋未必記得你姓甚名誰，但肯定地會記得你件衫，同埋你果份同音樂嘅熱誠。
成功安排「一個位」引人哋去問自己「一早準備好嘅問題」，係好高技巧，但又好值得學嘅事情，不論見工，還樹係做presentation都有幫助，做得好並且自然的話，一定會令人留下印象深刻，但如果太過造作，便會弄巧反拙。當然，唔係叫你次次去見工都著到鬼五馬六，除咗衣著，其實說話內容嘅安排，都可以做到異曲同工之妙。例如呢一份工本身只要求你懂得ABC 三個skills，但言談間你有意冇意加插其他相關skill嘅字眼（記住一定要同份工有關，但未必係你個職位必需嘅skill），引佢問你「乜你都識做呢啲野架咩？」，表達出你比其他人做得更多野；又或者行多一步，講少少你對ABC未來發展嘅遠見，再推落去講你自己成日都好留意market，比其他人行得快，來突顯自己與眾不同。
懂得製造機會，建立自己同其他應徵者嘅differentiation，就係marketing重要嘅一環，亦係令自己鶴立雞群嘅致勝之道！
Search